सिंहदरबार संवाददाता
काठमाडौं । नेपाल राष्ट्र बैंकको डेपुटी गभर्नर बम बहादुर मिश्रले खाना, नाना र छाना आयात गर्नुपर्ने बाध्यताले बाह्य क्षेत्रमा चाप परेको बताएका छन् । बैंकको ६७ औं वार्षिकोत्सव समारोहमा स्वागत मन्तव्य राख्दै डेपुटी गभर्नर मिश्रले यस्तो बताएका हुन् ।
मिश्रले राष्ट्र बैंक आवश्यकताअनुसार लचिलो र कसिलो हुनुपर्ने बताउँदै कोभिड कालमा लचिलो भएकाले अहिले कसिलो भएको दाबी गरे ।
उनले राष्ट्र बैंक डिजिटल मुद्रातर्फ अघि बढेको बताए । मिश्रले भौतिक मुद्रा व्यवस्थापनका लागि स्थापना भएकामा अहिले डिजिटल मुद्राको बहससम्म पुगेको दाबी गरे ।
वार्षिकोत्सवको अवसरमा केन्द्रीय बैंकले पूर्व गभर्नर डा. तिलक रावललाई सम्मान गरेको छ । राष्ट्र बैंकले सेवा निवृत्त भएका पूर्व कार्यकारी निर्देशक र २० वर्ष सेवाअवधि पुरा गरेका कर्मचारीलाई पनि सम्मान गरेको छ ।
प्रतिक्रिया दिनुहोस्