सिंहदरबार संवाददाता
काठमाडौं । नेकपा(एकिकृत समाजवादी)का अध्यक्ष माधव कुमार नेपालले आसन्न निर्वाचनहरुमा आफ्नो पार्टी निर्णायक भएको बताएका छन् । सम्पर्क समन्वय कमिटीको कार्यक्रमलाई सम्बोधन गर्दै उनले आफ्नो पार्टीको शक्तिलाई कमजोर नआँट्न चेतावनी पनि दिए ।
‘केपी ओलीलाई सत्ताको उन्मादबाट, सगरमाथाको शिखरबाट तल झार्ने हामी नै हौं, हाम्रो शक्तिलाई नजरअन्दाज नगर्नुस’, अध्यक्ष नेपालले भने । उनले आफ्नो पार्टीकै कारण संबिधान र व्यवस्था जोगिएको तथ्यलाई नबिर्सन चेतावनी पनि दिए ।
नयाँ भएपनि आफ्नो पार्टीका पक्षमा देशभर जनलहर आईरहेको र निर्णायक शक्तिका रुपमा स्थापित भैसकेको पनि उनले बताए ।
प्रतिक्रिया दिनुहोस्