काठमाडौं । सिटिजन लाईफ इन्स्योरेन्सले बाग्मती, गण्डकी र लुम्बिनी प्रदेशका विभिन्न स्कुल तथा कलेजका करिव १८०० विद्यार्थीलाई “विद्यार्थी सँग बीमा” कार्यक्रम सञ्चालन गरेको छ । कम्पनीले एकैदिन त्यतिको संख्याका विद्यार्थीलाई बीमा शिक्षा प्रदान गरेको हो ।
विद्यार्थी भोलिका कर्णधार हुन् भन्ने सोचसहित कम्पनीले यो कार्यक्रम आयोजना गरेको हो । यसरी विद्यार्थीलाई शिक्षा दिँदा उनीहरुले बीमाबारे हासिल गरेका ज्ञानले बीमा क्षेत्रप्रति उनीहरुको आकर्षण बढ्ने र दीर्घकालिन रुपमा जनशक्ति अभावलाई पुर्ति गर्न कोशेढुङ्गा साबित हुने कम्पनीको दाबी छ । साथै बीमा बारे उनीहरु प्रस्ट हुँदा आफ्नो परिवार समाजलाई बुझाउन सक्ने र बीमाको सचेतना फैलाउन समेत सजिलो हुने हेतुले “विद्यार्थी सँग बीमा” कार्यक्रम सुरु गरिएको बताइएको छ ।
यस अघि पनि सिटिजन लाइफले यो जागरण अभियान लाई निरन्तर रुपमा गर्दै आइरहेकोमा एकै दिन २० वटा कलेजमा गइ सो अभियान सञ्चालन गरेको पहिलो पटक हो ।
ब्यवसायिकतामा समेत अब्बल प्रदर्शन गर्दै कम्पनिले यस आर्थिक बर्षको माघ सम्म आइपुग्दा १९ वटै कम्पनिमा आफुलाई टप ३ मा उभ्याउन सफल भएको छ । भोलिका दिनहरुमा समाजलाई बीमा सम्बन्धि सकारात्मक प्रभाव पार्ने थप नविनतम कार्यक्रम हरु गर्ने कम्पनिको योजना रहेको छ ।
प्रतिक्रिया दिनुहोस्