सिंहदरबार संवाददाता
काठमाडौं । सोपान फर्मास्यूटिकल्स लिमिटेडले ६ प्रकारका औषधी हरुको उत्पादन सार्वजनिक गरेको छ ।
सोपानले माइजिथ, मन्ट्रिन, एलर्ज, सिप्राइट, अनमिट र एनियुर सार्वजनिक गरेको हो ।
माइजिथ व्याक्टेरियल इन्फेक्सनका लागि हो भने मन्ट्रिनले दम र एलजीएका लागि काम गर्छ । त्यस्तै एलर्जले एलर्जी, सिप्राइटले एलर्जी र भोक, अनमिटले वान्ता र एनियुर ले भिटामिन बी १ को कमीमा काम गर्छ ।
विगत तेह्र वर्ष देखि बिभिन्न क्षेत्रमा लगानी गर्दै आइरहेको सोपान मल्टिपल कम्पनीले सोपान फर्मास्यूटिकल्स लिमिटेड मार्फत १ अर्ब २७ करोडको लगानी औषधिको उत्पादन क्षेत्रमा गरेको छ ।
माननीय स्वास्थ्य राज्यमन्त्री भवानी प्रसाद खापुङ, नेपाल मेडिकल काउन्सिलका अध्यक्ष डा. भगवान कोइराला, कम्पनीका अध्यक्ष इञ्जिनियर रामेश्वर रिजाललगायतले ति औषधीहरु एक कार्यक्रमका विच सार्वजनिक गर्नु गरेका छन् ।
सो कार्यक्रममा बोल्दै डा. कोइरालाले कम्पनीलाई गुणस्तरीय उत्पादन गरी चिकित्सक र बिरामीको मन जित्न सुझाव दिए भने कम्पनीका अध्यक्ष रिजालले गुणस्तरीय उत्पादनका लागि प्रतिवद्धता व्यक्त गरे ।
प्रतिक्रिया दिनुहोस्