सिंहदरबार संवाददाता
काठमाडौं । सुजुकीले नेपाली ग्राहकहरुका लागि ‘वर्कसप अन ह्वील’ सुरु गरेको छ । नेपालका लागि सुजुकी कारको आधिकारिक विक्रेता तथा सीजीे होल्डिङ्सको अटोमोटिभ डिभिजन सीजी मोटोकर्पले ग्राहकको घर दैलोमै गाडी मर्मतको लागि वर्कसप अन ह्वील सुरु गरेको हो ।
स्मार्ट वर्कसपको नयाँ पहलले सुजुकी ग्राहकले आफ्नो घर दैलोमै आफ्नो सवारी मर्मत गराउन सक्नेछन् । कम्पनीका अनुसार वर्कसप अन ह्वीलमा सबै आधुनिक प्रविधि र उपकरण राखिएका छन् जसले सामान्य सर्भिस, मर्मत तथा अरु गाडी सम्बन्धि कामा गर्नेछन् ।
सुजुकीको अफ्टर सेल्स तथा पार्ट्सका महाप्रबन्धक श्याम श्रेष्ठ अनुसार यो चार पांग्रे सवारी मा निर्मित एउटा आधुनिक वर्कसप हो जसले ग्राहकको सबै सर्भिस सम्बन्धि कार्य गर्नेछ ।
यो सेवा हाल काठमाडौं, पोखरा, भैरहवा र नारायणघाटमा उपलब्ध छ र चाँडै नेपालका सम्पूर्ण प्रमुख सहरमा उपलब्ध कम्पनीले जनाएको छ ।
प्रतिक्रिया दिनुहोस्