सिंहदरबार संवाददाता
काठमाडौं । सन् २०२१ मा डेढ लाख पर्यटकले नेपाल भ्रमण गरेका छन् । नेपाल पर्यटन बोर्डको तथ्यांकअनुसार नेपाल भित्रिने पर्यटकको संख्या सन् २०२० भन्दा २५ प्रतिशतले घटेको हो ।
कोरोना महामारीका कारण यस वर्ष निकै कम विदेशी नेपाल आएको देखिन्छ । हवाइ तथा भुमार्ग हुँदै १ लाख ५० हजार ९ सय ६२ जना पर्यटक नेपाल आएका हुन् ।
सन् २०२० मा २ लाख ३० हजार पर्यटक नेपाल आएका थिए । सन् २०१९ मा भने नेपाल भित्रिने विदेशीको संख्या ११ लाख ९७ हजार १ सय ९१ थियो ।
नेपाल आउनेमध्ये सबैभन्दा बढी भारतीय छन् । वर्षभर नेपाल आउने भारतीयको संख्या ६४ हजार ६ सय ७३ छ । भारतपछि सबैभन्दा बढी अमेरिकाबाट २२ हजार ८ सय ५३ जना आएका छन् । यस्तै संयुक्त अधिराज्य (बेलायत) बाट ८ हजार ६ सय ८० जना, उत्तरी छिमेक चीनबाट ६१९६ जना तथा बंगलादेशबाट ५ हजार ४४ जना पर्यटक नेपाल आएको बोर्डले जनाएको छ ।
कुन देशबाट कति ?
प्रतिक्रिया दिनुहोस्