सिंहदरबार संवाददाता
काठमाडौं । साताको तेस्रो कारोबार मंगलबार नेपाल स्टक एक्सचेञ्ज (नेप्से) १३७.१८ अंकले बढेर २४१८.८५ अंकमा बन्द भएको छ । ६ प्रतिशतको सकारात्मक सर्किट लागेपछि दिउँसो १ बजेर २६ मिनेटमै कारोबार बन्द भएको हो ।
नेप्सेमा दिउँसो १२ बजेर ३८ मिनेटमा ५ प्रतिशतको सकारात्मक सर्किट लागेर ४० मिनेटसम्म कारोबार बन्द भएको थियो । त्यसपछि पुन १ बजेर १८ मिनेटमा खुलेको नेप्से ८ मिनेटमै अर्को १ प्रतिशत वृद्धि भएर ६ प्रतिशतको वृद्धि भएपछि आजको कारोबार बन्द भएको थियो ।
कारोबार सुरु भएको पहिलो एक घण्टामा नेप्सेमा चार प्रतिशतको घटबढ हुँदा २० मिनेट, दोस्रो घण्टाभित्र पाँच प्रतिशतले घटबढ भएमा ४० मिनेट र ६ प्रतिशतले घटबढ हुँदा उक्त दिनको लागि कारोबार बन्द हुन्छ । नेप्से ६ प्रतिशतले बढेसँगै आजको लागि कारोबार बन्द भएको हो ।
मंगलबार सेयर बजारमा एक अर्ब ८४ करोड २६ लाख बराबरको कारोबार भएको छ । कारोबारमा आएका कम्पनीहरुमध्ये ५० कम्पनीको सेयरमूल्यमा सकारात्मक सर्किट लागेको थियो ।
प्रतिक्रिया दिनुहोस्