सिंहदरबार संवाददाता
काठमाडौं । नेप्से परिसूचक घट्ने क्रमले सोमबार पनि निरन्तरता पाएको छ । साताको दोस्रो दिन नेप्से परिसूचक ७९.२३ अंकले घटेर बियरिस लय कायमै राखेको हो ।
आइतबार ८८ अंकले घटेको नेप्से परिसूचकमा सोमबार पनि भारी गिरावट आएको छ ।
३२ सय अंकसम्म पुगेको नेप्से ४ महिनाभित्रै २२ सयको लाइनमा आइपुगेको छ ।
घट्ने निरन्तरता पाउने क्रम ५ दिन पुरा भइसकेको छ । यसबीचमा नेप्से २ सय ६५ अंक तल झरिसकेको छ ।
सोमबार कारोबर सुरू हुँदै घटेको नेप्से बढ्ने प्रयत्न गरेपनि उकासिन सकेन ।
कारोबारमा आएका १ सय ८२ कम्पनीको सेयर मूल्य घटे । बजारमा ९६ लाख ७९ हजार कित्ता सेयर ३ अर्ब ९९ करोड रूपैयाँमा किनबेच भए ।
नेप्से गत वर्षको पुस मसान्तयताको सबैभन्दा तल्लो बिन्दुमा पुगेको हो । २०७७ पुस २८ गते नेप्से परिसूचक २२ सय ६७ अंक कायम थियो । सोमबारको गिरावटपछि नेप्से २२८२.०१ अंकमा पुगेको छ ।
प्रतिक्रिया दिनुहोस्