सिंहदरबार संवाददाता
काठमाडौं । कामना सेवा विकास बैंकले १५ औँ वार्षिकोत्सव मनाएको छ । बैंकले विभिन्न कार्यक्रम गरी धुमधामले वार्षिकोत्सव मनाएको हो ।
देशै भरीका विभिन्न १२९ शाखा र १ एक्सटेन्सन काउन्टर मार्फत सामाजिक उत्तरदायित्व अन्तर्गत विभिन्न कार्यक्रमको आयोजना गर्दै आएको बैंकले जनाएको छ ।
बैंकले आफ्नो १५ औं वार्षिक उत्सवको अवसरमा सामाजिक उत्तरदायित्व अन्तर्गत काठमाण्डौँ जिल्लाको गोकर्णेश्वर नगरपालिका वार्ड नं. ६, नारायणटार स्थित नेपाल अपाङ्ग संघ ‘खगेन्द्र नव जीवन गृह’ मा औषधी तथा ह्वील चियर वितरण कार्यक्रम गरेको छ ।
यसैगरी बैंकले आफ्नो १५ औं वार्षिक उत्सवको अवसरमा सामाजिक उत्तरदायित्व अन्तर्गत नवलपरासी (पश्चिम) जिल्लाको सरावल –०२, दङ्गिया स्थित श्री जनशक्ति प्राथमिक विद्यालय मा आउँदै गरेको जाडो मौसमको लागि सुईटर तथा मोजा वितरण गरेको छ ।
यसैगरी सितगङ्गा नगरपालिका ४ ठाडा अमराइमा रहेको शाखा कार्यलयले सुपादेउरालिमै पुगेर एक कार्यक्रम गरि ५ थान प्लास्टिक डस्ट्बिन बितरण गरेको छ ।
बैंकले डिमुवा शाखाले बैंकको १५ औं वार्षिकोत्सवको अवसर पारेर सामाजिक उत्तरदायित्व अन्र्तगत मोदी गाउँपालिका वडा नं. ०३, घुरुङ्गसेरामा रहेको श्री विद्याज्योति प्राथमिक बिद्यालयलाई शैक्षिक सामाग्रि तथा डस्टविन हस्तान्तरण गरेको छ ।
प्रतिक्रिया दिनुहोस्