सिंहदरबार संवाददाता
काठमाडौं । नेपाल बैंकर्स संघको ३५ औं वार्षिक साधारणसभा आज हुँदैछ । साधारणसभाले कृषि विकास बैंकका प्रमुख कार्यकारी अधिकृत तथा संघका वर्तमान उपाध्यक्ष अनिल उपाध्यायलाई अध्यक्ष चयन गर्दैछ ।
अध्यक्ष पदका लागि उपाध्यायको मात्र उम्मेदवारी परेकाले उनी सर्वसम्मतिले अध्यक्ष चयन हुँदैछन् भने वर्तमान अध्यक्ष भुवन दाहाल जिम्मेवारीबाट टाढा हुँदैछन् ।
संघको उपाध्यक्षमा एनएमबि बैंकका प्रमुख कार्यकारी अधिकृत सुनिल केसीको चर्चा छ । प्रभु बैंकका अशोक शेरचनले पनि केही समयअघि उपाध्यक्षको आकांक्षा राखेका थिए ।
बैंकहरुबीच केसीलाई उपाध्यक्ष बनाउने मोटामोटी सहमति भएको बताइन्छ । यद्यपि साधारणसभाबाटै सोसम्बन्धि सर्वसम्मत निर्णय हुने संघका एक सदस्यले बताए ।
प्रतिक्रिया दिनुहोस्