सिंहदरबार संवाददाता
काठमाडौं । महालक्ष्मी विकास बैंकले ३ महिनामा २३ करोड ५ लाख रूपैयाँ खुद मुनाफा गरेको छ । बैंकले गत आर्थिक वर्षको पहिलो त्रैमासको तुलनामा ४४.२८ प्रतिशत बढी नाफा गरेको हो ।
गत आवको पहिलो त्रैमासमा बैंकले १५ करोड ९७ लाख ८० हजार रूपैयाँ खुद नाफा कमाएको थियो ।
बैंकले सार्वजनिक गरेको वित्तीय विवरण अनुसार बैंकको वितरणयोग्य मुनाफा १२ करोड ६२ लाख ६२ हजार रूपैयाँ छ ।
यस अवधिमा बैंकको प्रतिसेयर आम्दानीमा पनि सुधार आएको छ ।
असोज मसान्तसम्म बैंकले ३९ अर्ब ७८ करोड ४० लाख रूपैयाँ निक्षेप संकलन गरी ३१ अर्ब ८६ करोड ४१ लाख रूपैयाँ कर्जा प्रवाह गरेको छ । बैंकको चुक्तापुँजी ३ अर्ब ३४ करोड २४ लाख रूपैयाँ छ । वित्तीय विवरणअनुसार प्रतिसेयर नेटवर्थ १ सय ७१ रूपैयाँ ६५ पैसा छ ।
प्रतिक्रिया दिनुहोस्