सिंहदरबार संवाददाता
आज विश्वमा विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ इतिहासमा आज भएका केही विश्व घटनाः
मोजाम्बियाको गृहयुद्ध समाप्त
सन् १९९२ मोजाम्वियाको गृहयुद्ध अन्त्य भएको थियो । मोजाम्विक रेसिस्टेन्स मुभमेन्ट र मोजाम्विकको सरकारबीच १५ वर्ष लामो गृहयुद्ध भएको थियो । सन् १९७७ मा सुरु भएको सो युद्धमा ठूलो जनधनको क्षति भएको थियो । रोम शान्ति सम्झौतापछि युद्ध समाप्त भएको थियो ।
लेसोथोको स्वतन्त्र
सन् १९६६ मा अफ्रिकी मुलुक लेसोथो बेलायतबाट स्वतन्त्र भएको थियो ।
संसारकै पहिलो कृत्रिम स्याटलाइट लन्च
सन् १९५७ मा संसारकै पहिलो कृत्रिम स्याटलाइट लच्न गरिएको थियो । सोभियत युनियनले कृत्रिम स्याटलाइट स्पुतनिकलाई काजकस्तानबाट लन्च गरेको थियो । स्पतुनिकको सफलतासँगै अन्तरिक्ष उडानमा सोभियत संघ र अमेरिकाबीच होड चलेको थियो ।
अमेरिकामा गल्फ खेलको सुरुवात
४ अक्टोबर सन् १८९५ देखि अमेरिकामा गल्फ खेल सुरु भएको थियो । पहिलो पटक रोदे टापुको न्युपोर्टस्थित न्युपोर्ट कन्ट्री क्लबमा गल्फ खेलिएको थियो । अहिले पनि हरेक वर्ष अमेरिकामा यो प्रतियोगिता हुन्छ ।
जुलियन क्यालेन्डरको अन्तिम दिन
४ अक्टोबर सन् १५८२ मा नै जुलियन क्यालेन्डरको अन्तिम दिन रहन पुगेको थियो । ५ अक्टोबरदेखि पोल्यान्ड, इटाली, पोर्चुगल र स्पेनमा पोप ग्रेगरी १३औँ को आदेशअनुसार जर्जियाली क्यालेन्डर प्रयोगमा आएको थियो । क्यालेन्डरका कारण केही दिन ‘ल्याप्स’ भएका थिए । जस्तैः ४ अक्टोबरपछि एकै पटक १५ अक्टोबर गणना गरिएको थियो । अहिले सबैभन्दा धेरै प्रयोग हुने पनि जर्जियन क्यालेन्डर नै हो ।
प्रतिक्रिया दिनुहोस्