सिंहदरबार संवाददाता
काठमाडौं । कामना सेवा विकास बैंकका लगानीकर्ता मालामाल हुने भएका छन् । बैंकले गत आर्थिक वर्ष २०७७।७८ को नाफाबाट १९.४७ प्रतिशत लाभांश दिने घोषणा गरेको छ ।
असोज ७ गते बसेको कम्पनी सञ्चालक समितिको बैठकले १८.५० प्रतिशत बोनस र कर प्रयोजनका लागि ०.९७ प्रतिशत नगद लाभांश गरि कुल १९.४७ प्रतिशत प्रतिफल दिने निर्णय गरेको हो ।
नेपाल राष्ट्र बैंकको स्वीकृति र बैंकको आगामी साधारणसभाले पारित गरेपछि लगानीकर्ताले सो मात्रामा लाभांश पाउनेछन् ।
२ अर्ब ६५ करोड रुपैयाँ चुक्ता पुँजी रहेको बैंकको पुँजी लाभांशपछि ३ अर्ब १४ करोड रुपैयाँ हुनेछ ।
बैंकले आर्थिक वर्ष २०७३।७४ मा १२ प्रतिशत, आर्थिक वर्ष २०७४।७५ मा ९.५, आर्थिक वर्ष २०७५।७६ मा ६.८ प्रतिशत र आर्थिक वर्ष २०७६।७७ मा ४.६३ प्रतिशत लाभांश वितरण गरेको थियो ।
प्रतिक्रिया दिनुहोस्