सिंहदरबार संवाददाता
काठमाडौं । नेपाल राष्ट्र बैंकले भोली शुक्रबार बहुप्रतिक्षित मौद्रिक नीति ल्याउने भएको छ । बिहिबार व्यवस्थापन समिति बैठक सकेर शुक्रबार बिहानका लागि सञ्चालक समिति बैठक डाकेको राष्ट्र बैंकले अपरान्ह मौद्रिक नीति ल्याउन लागेको हो । ‘हामी तयारी गरिरहेका छौं, अन्यथा केहि भएन भने भोली मौद्रिक नीति आउँछ तर निश्चित भने भैसकेको छैन’, राष्ट्र बैंक श्रोतले भन्यो ।
यस अघि साउन ११ गते राष्ट्र बैंकले परिपत्र मार्फत अघि सारेको व्यवस्थालाई निरन्तरता दिने गरि मौद्रिक नीति आउने बताइन्छ । राष्ट्र बैंकले वित्तिय स्थायीत्व प्रवद्र्धनका लागि भन्दै असल वर्गमा परेका कर्जाहरुको प्रोभिजनलाई ०.३ प्रतिशतले बढाएर १.३ प्रतिशत बनाएको थियो ।
त्यस्तै, २०७८ असार मसान्त भित्रमा असुल हुनुपर्ने ब्याज रकम २०७८ भदौ १५ गते भित्र प्राप्त भएमा त्यस्तो रकमलाई २०७८ असार मसान्तको आम्दानीमा लेखाङ्कन गर्न सकिने सुबिधा दिएको थियो ।
प्रतिक्रिया दिनुहोस्