सिंहदरबार संवाददाता
काठमाडौं । आवेदन दिन २ दिन बाँकी छँदै सानिमा लाइफ इन्स्योरेन्सको आईपीओमा निष्काशन हुनेभन्दा ५.५ गुणा बढी आवेदन परेको छ । साउन २० गतेबाट निष्काशन भएको सानिमा लाइफ इन्स्योरेन्सको प्राथमिक निष्काशनमा तेस्रो दिनसम्म १९ लाख १८ हजार ५ सय ५७ जना सर्वसाधारणले आईपीओ माग गरेका हुन् ।
उनीहरुले २ अर्ब ९९ करोड ८३ लाख ६२ हजार रकम बराबरको २ करोड ९९ लाख ८३ हजार ६ सय २० कित्ता सेयरको लागि आवेदन दिएका हुन् । आईपीओको निष्काशन तथा बिक्री प्रबन्धक प्रभु क्यापिटलले दोस्रो दिनको अपराह्न साढे ३ बजेसम्म आईपीओ ५.५५ गुणाले ओभर सब्सक्राइब भएको जानकारी दिएको छ ।
निष्काशन गरिएको ६० लाख कित्ता मध्ये सामुहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५४ लाख कित्ता सेयर सर्वसाधारणलाई निष्काशन गरिएको हो ।
सानिमा लाइफको आईपीओ ५ लाख ४० हजार जनाले १०–१० कित्ता पाउनेछन् ।
प्रतिक्रिया दिनुहोस्