सिंहदरबार संवाददाता
काठमाडौं । आवेदन खुलेको दुई दिनमा सानिमा लाइफ इन्स्योरेन्सको आईपीओमा निष्काशन हुनेभन्दा ४.४ गुणा बढी आवेदन परेको छ । साउन २० गतेबाट निष्काशन भएको सानिमा लाइफ इन्स्योरेन्सको प्राथमिक निष्काशनमा दोस्रो दिनसम्म १५ लाख ४ हजार ८ सय ११ जना सर्वसाधारणले आईपीओ माग गरेका हुन् ।
उनीहरुले २ अर्ब ३९ करोड ४७ लाख ७८ हजार रकम बराबरको २ करोड ३९ लाख ४७ हजार ७ सय ८० कित्ता शेयरको लागि आवेदन दिएका हुन् । आईपीओको निष्काशन तथा बिक्री प्रबन्धक प्रभु क्यापिटलले दोस्रो दिनको साँझ ५ बजेसम्म आईपीओ ४.४३ गुणाले ओभर सब्सक्राइब भएको जानकारी दिएको छ ।
निष्काशन गरिएको ६० लाख कित्ता मध्ये सामुहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५४ लाख कित्ता सेयर सर्वसाधारणलाई निष्काशन गरिएको हो ।
सानिमा लाइफको आईपीओ ५ लाख ४० हजार जनाले १०–१० कित्ता पाउनेछन् ।
प्रतिक्रिया दिनुहोस्