सिंहदरबार संवाददाता
काठमाडौं । नेकपा(एमाले) माधव नेपाल समुहको अनेरास्ववियुले शनिबार अखिल फोर्सको राष्ट्रिय भेला आयोजना गर्ने भएको छ । पार्टी एकता अभियान र संघर्ष पेचिलो बनिरहेका बेला नेपाल समुहको लडाकु दस्ताका रुपा अघि सारिएको अखिल फोर्सको राष्ट्रिय भेला आयोजना गर्न लागिएको हो ।
अनेरास्ववियुका अध्यक्ष सुदेश पराजुलीले साउन १६ गते शनिबारका लागि बबरमहलस्थित कार्की ब्याङक्वेटमा अखिल फोर्सको राष्ट्रिय भेला डाकिएको बताए । उक्त भेलालाई पार्टीका बरिष्ठ नेता माधव कुमार नेपालले सम्बोधन गर्नेछन् ।
मध्यान्ह १२ बजेका लागि डाकिएका भेलामा देशभरबाट फोर्सका नेता कार्यकर्ता सहभागी हुने पनि उनले बताए । अखिल फोर्सलाई बरिष्ठ नेता नेपालले मार्गदर्शनसहित निर्देशन दिने कार्यक्रम रहेको र त्यसपछि संगठन विस्तारको अभियान थालिने पनि पराजुलीले जानकारी दिए ।
प्रतिक्रिया दिनुहोस्