आर्थिक वर्ष २०२४ मा जापानको व्यापार घाटा ३६.६ अर्ब अमेरिकी डलर

एजेन्सी । जापानले आर्थिक वर्ष २०२४ मा लगभग ५।२३ ट्रिलियन येन (३६.६ अर्ब अमेरिकी डलर) व्यापार घाटा व्यहोरेको छ । जुन लगातार चौथो वर्ष रहेको सरकारी तथ्याङ्कले देखाएको छ । मार्चमा समाप्त हुने आर्थिक वर्षमा निर्यातको कुल मूल्य ५।९ प्रतिशतले बढेर १०८.९३ ट्रिलियन येन पुगेको छ । जुन लगातार चौथो वर्ष बढेको छ ।

सन् १९७९ मा तुलनात्मक तथ्याङ्क पहिलो पटक संकलन गरिएदेखिको उच्चतम स्तर हो । यसैबीच आयातको मूल्य एक वर्ष अघिको तुलनामा ४.७ प्रतिशतले बढेर ११४.१६ ट्रिलियन येन पुगेको छ ।

जुन दुई वर्षमा पहिलो पटक संयुक्त राज्य अमेरिकाबाट व्यक्तिगत कम्प्युटर र चीनबाट स्मार्टफोनका कारणले भएको हो । देश वा क्षेत्रअनुसार जापानले चीनसँग ७.०५ ट्रिलियन येनको व्यापार घाटा दर्ता गरेको छ । जुन एक वर्ष अघिको तुलनामा १८.७ प्रतिशतले बढी हो । निर्यात ३.४ प्रतिशतले बढेर १८.८९ ट्रिलियन येन पुगेको छ भने आयात ७.१ प्रतिशतले बढेर २५.९४ ट्रिलियन येन पुगेको छ ।

संयुक्त राज्य अमेरिकासँग जापानको व्यापार अधिशेष १।३ प्रतिशतले घटेर ९.०१ ट्रिलियन येनमा पुगेको छ । देशमा निर्यात अघिल्लो वर्षको तुलनामा ३.८ प्रतिशतले बढेर २१.६५ ट्रिलियन येनमा पुगेको छ र त्यहाँबाट हुने आयात पनि ७।७ प्रतिशतले बढेर १२.६४ ट्रिलियन येनमा पुगेको छ । युरोपेली संघसँगको व्यापारमा जापान लगातार १३ औं वर्ष घाटामा रह्यो ।