काठमाडौं । उद्योग, वाणिज्य तथा आपूर्तीमन्त्री दामोदर भण्डारीले समाजका सबै क्षेत्रमा महिलाको सहभागिता बढाउन जरुरी रहेको बताएका छन् । गैरआवासीय नेपाली सङ्घ अन्तरराष्ट्रिय समन्वय परिषद् (एनआरएनए आइसिसी) ले माल्टामा आयोजना गरेको युरोपेली क्षेत्रीय सम्मेलन, २०२५ मा महिलाको सहभागितामा अझै चुनौतीहरु रहेको उल्लेख गर्दै सहभागिता सुनिश्चित हुनुपर्नेमा जोड दिएका हुन् ।
‘महिलाहरु धैर्यता, शालिनता र शक्तिका स्रोत हुन्,उनीहरु आफ्नो पौरखले सम्भ समाज निर्माणमा लागिरहनुभएको छ’, मन्त्री भण्डारीले भने ‘परम्परादेखि नै सभ्य, सन्तुलित र समुन्नत समाज निर्माणमा महिलाले नै अभिभारा लिएका छन् ।’
उनले पछिल्लो समय नेपालमा आमाका नामबाट पनि नागरिकता लिन मिल्ने व्यवस्था भएको उल्लेख गर्दै यो वर्तमान संविधानका कारण सम्भव भएको बताए । उनले महिलाहरु परिवारमा मात्रै सीमित नभइ मुलुक निर्माणका हरेक क्षेत्रमा सक्रिय सहभागिता हुनुपर्नेमा जोड दिएका थिए ।
प्रतिक्रिया दिनुहोस्