सिंहदरबार संवाददाता
काठमाडौं । साताको चौथोँ कारोबार दिन सेयर बजार दोहोरो अंकले घटेको छ । नेपाल स्टक एक्सचेञ्ज (नेप्से) परिसूचक १४.८८ अंकले घटेर २६८२.१५ अंकमा पुगेको हो ।
बुधबार ३११ कम्पनीको ९५ लाख ८३ हजार ८ सय २९ कित्ता सेयर किनबेच हुँदा ५ अर्ब १४ करोड ३९ लाख ९७ हजार ६ सय ४३ रुपैयाँ कारोबार भएको छ । बुधबार ५३ कम्पनीको सेयर मूल्य बढ्दा १८३ कम्पनीको सेयर मूल्य घटेको छ भने ७ कम्पनीको सेयर मूल्य स्थिर रहेको छ ।
बुधबार हिमालयन रि इन्स्योरेन्सको सबैभन्दा धेरै कारोबार भएको छ । कम्पनीको २९ करोड ६७ लाख ३२ हजार ६ सय ८२ रुपैयाँ कारोबार भएको छ । कम्पनीको सेयर मूल्य प्रतिकित्ता न्युनतम मूल्य ९ सय ७६.८० रुपैयाँ रहेको छ ।
बुधबार मिथिली लघुवित्तको सेयर ९.३९ प्रतिशत बढेको छ भने सामुदायिक लघुवित्तको सेयरमा ९.२० प्रतिशतले गिरावट आएको छ ।
प्रतिक्रिया दिनुहोस्