सिंहदरबार संवाददाता
काठमाडौं । नयाँ आर्थिक वर्षको पहिलो दिन सेयर बजारमा भव्य उत्साह छाएको छ । साताको पहिलो दिन आइतबार नेप्से परिसूचक ९७.२१ अंकले बढेको छ भने करिब १२ अर्ब रूपैयाँको सेयर किनबेच भएको छ ।
कारोबारमा आएका १ सय ७४ कम्पनीको सेयर मुल्य बढ्दा परिसूचक उच्च सुधार आएको छ । आज ५ कम्पनीको सेयर मूल्य १० प्रतिशतले बढकेो छ ।
आइतबार ८ कम्पनीको मात्र सेयर मूल्य बढेका छन् । एउटा कम्पनीको मूल्य घटबढ भएन ।
वर्षको पहिलो दिन २ सय २१ स्क्रिप्टका २ करोड ८८ कित्ता सेयर ११ अर्ब ६३ करोड रूपैयाँमा किनबेच भए ।
सेयर बजारमा आजदेखिको कारोबारमा अल्पकालीन लगानर्कर्ता ७.५ प्रतिशत पुँजीगत लाभ कर तिर्नुपर्ने भएको छ । तर, कारोबार सुरू भएदेखि नै हरियाली छाएको सेयर बजारको उत्साह अन्तैसम्म कायम रहेको हो ।
सेयर बजार बढेको दिन मन्जुश्री फाइनान्सको सबैभन्दा बढी ४० करोडको सेयर किनबेच हुँदा नबिल बैंकको ३८ करोड रूपैयाँ बराबरका सेयर कारोबार भए ।
असार अन्त्य हुँदै गर्दा कारोबार रकममा भारी गिरावट आएर दैनिक ४ अर्ब रूपैयाँको सेयर किनबेच हुन थालेको थियो ।
आइतबारको सुधारले सेयर बजारमा नयाँ उत्साह थपेको छ ।
प्रतिक्रिया दिनुहोस्