सिंहदरबार संवाददाता
काठमाडौं । १२ वटा निर्जीवन बीमा कम्पनीहरुमध्ये ५ कम्पनीहरुले हालसम्म लाभांश घोषण गरेका छन् ।
आर्थिक वर्ष ०८०/०८१ को मुनाफाबाट सेयरधनीलाई सबैभन्दा धेरै लाभांश दिनेमा सिद्धार्थ प्रिमियम इन्स्योरेन्स रहेको छ । कम्पनीले सयरधनीहरुलाई ३० प्रतिशत नगद लाभांश घोषणा गरेको हो ।
त्यस्तै, शिखर इन्स्योरेन्सले आर्थिक वर्ष ०८०/०८१ को मुनाफाबाट सेयरधनीहरुलाई १०.५३ प्रतिशत बोनस सेयर र नगद लाभांश ०.५२ प्रतिशत दिने निर्णय गरेको छ ।
त्यस्तै, नेपाल इन्स्योरेन्स कम्पनी लिमिटेडले सेयरधनीलाई गत आवको मुनाफाबाट कुनै पनि लाभांश नदिने निर्णय गरेको छ । नेशनल इन्स्योरेन्स कम्पनीले लाभांश सम्बन्धी कुनै पनि सूचना प्रकाशन गरेको छैन । कम्पनीले अघिल्लो आव ०७९/०८० मा सेयरधनीहरुलाई १० प्रतिशत नगद लाभांश र ४ प्रतिशत बोनस सेयर दिएको थियो ।
नेको इन्स्योरेन्सले पनि लाभांश सम्बन्धी कुनै पनि सूचना प्रकशन गरेको छैन । अघिल्लो आव कम्पनील कुनै पनि लाभांश दिएको छैन । त्यस्तै, प्रभु इन्स्योरेन्स कम्पनीले लाभांश सम्बन्धि सूचना प्रकाशन गरेको छैन भने अघिल्लो आव ०७९/०८० मा सेयरधनीहरुलाई ५ प्रतिशत लाभांश दिएको छ ।
एनएलजी इन्स्योरेन्सले सेयरधनीहरुलाई आर्थिक वर्ष ०८०/०८१ को मुनाफाबाट सेयरधनीहरुलाई लाभांश नदिने निर्णय गरेको छ ।
हिमालयन एभरेष्ट इन्स्योरेन्सले सेयरधनीलाई आर्थिक वर्ष ०८०/०८१ को मुनाफाबाट ८.७५ नगद लाभांश दिने निर्णय गरेको छ । सानिमा जिआईसी इन्स्योरेन्सले आर्थिक वर्ष ०८०/०८१ को मुनाफाबाट बोनस सेयर ७.५ प्रतिशत र नगल लाभांश ०.३९ प्रतिशत दिने निर्णय गरेको छ ।
सगरमाथा लुम्बिनी इन्स्योरेन्सले लाभांश सम्बन्धी कुनै पनि सूचना प्रकाशन गरेको छैन । अघिल्लो आवमा भने कम्पनीले सेयरधनीहरुलाई ५ प्रतिशत नगद लाभंश दिएको थियो ।
साथै, आइजिआई प्रुडेन्सियल इन्स्योरेन्सले आर्थिक वर्ष ०८०/०८१ मा सेयरधनीहरुलाई ९.७३ प्रतिशत बोनस सेयर दिने भएको छ ।
साथै, यूनाइटेड अजोड इन्स्योरेन्सले सेयरधनीलाई अघिल्लो आव ०७९/०८० मा बोनस सेयर १०.२६ प्रतिशत र नगद लाभांश ०.५४ प्रतिशत दिएको थियो भने यो वर्ष लाभांश सम्बन्धी कुनै पनि सूचना प्रकाशन गरेको छैन ।
प्रतिक्रिया दिनुहोस्