काठमाडौं । अर्थमन्त्री विष्णुप्रसाद पौडेल अस्पतालबाट डिस्चार्ज भएका छन् । फोक्सो र श्वासनलीमा असर नदेखिएपछि मन्त्री पौडेल डिस्चार्ज भएका हुन् ।
शनिबार हाइड्रोजन भरिएको बेलुनमा प्राविधिक त्रुटीका कारण आगलागी भएपछि मन्त्री पौडेल पोखरा महानगर पालिकाका मेयर धनराज आचार्यको अनुहार सहित शरिरको ६ प्रतिशत भाग डढेको थियो । मन्त्री पौडेल अस्पतालबाट डिसचार्ज भएपनि केहिदिन घरमै आराम गर्ने पौडेलका प्रेस सल्लाहकार भुवन केसीले जानकारी दिए ।
केसीले भने, “मन्त्री ज्यू अस्पतालबाट डिस्चार्ज हुनुभएको छ, अब केहि दिन घरमै आराम गर्नुहुन्छ स्वास्थ्य अनुकुल भएपछि नियमित काममा फर्किनुहुनेछ ।” कार्यक्रममा अतिथी बनेका मन्त्री पौडेल र मेयर आचार्य पोलिएपछि सरकारले ८ सदस्यीय छानविन समिति बनाएको छ ।
प्रतिक्रिया दिनुहोस्