सिंहदरबार संवाददाता
काठमाडौं । नेकपा(एमाले)को विवाद समाधान उन्मुख भएको छ । कार्यदलमा सहभागी नेताहरुले आन्तरिक समझदारी बनेको हो । कार्यदलले तयार पारेको समझदारीको अनौपचारिक विषयलाई अध्यक्ष ओली र बरिष्ठ नेता नेपालले अन्तिम रुप दिनेछन् ।
श्रोतका अनुसार अदालतमा रहेको मुद्धाको विषयलाई प्रभावित नपार्ने र एमालेलाई पूर्णतः २०७५ जेठ २ अघिको संरचनामा फर्काउन कार्यदलमा समझदारी बनेको छ । ओलीले सो समझदारीलाई स्वीकार गरेमा भोली बरिष्ठ नेता नेपालसँग निर्णायक छलफल हुनेछ ।
माधव नेपालले आफ्नो दुई बटमलाइन अदालतमा बुझाईएको हस्ताक्षर फिर्ता नलिने र एमालेलाई २०७५ जेठ २ अघिको संरचनामा फर्काउन तयार नभएसम्म छलफलको औचित्य नरहेको बताउँदै आएका छन् । ओलीले ति दुबै विषय मान्न आफु तयार भएको सन्देश कार्यदल सदस्यहरु मार्फत पठाएका छन् ।
दुई नेताबीच समझदारी भएमा अब नेकपा(एमाले)का हरेक निर्णयहरुमा अध्यक्ष र बरिष्ठ नेता नेपालका बीचमा समझदारी गरेर मात्रै अघि सारिनेछ ।
प्रतिक्रिया दिनुहोस्