सिंहदरबार संवाददाता
काठमाडौं । साताको तेस्रो कारोबार दिन सेयर बजार दोहोरो अंकले बढेको छ । नेपाल स्टक एक्सचेञ्ज (नेप्से) परिसूचक २४.५० अंकले बढेर २६५७.७७ मा पुगेको हो ।
मंगलबार ३२५ कम्पनीको १ करोड ९६ लाख ८० हजार १ सय ९५ कित्ता सेयर किनबेच हुँदा ९ अर्ब ४० करोड २६ लाख ७८ हजार रुपैयाँ बराबरको कारोबार भएको छ । मंगलबार १७७ कम्पनीको सेयर मूल्य बढ्दा ६० कम्पनीको सेयर मूल्य घटेको छ भने ६ कम्पनीको सेयर मूल्य स्थिर रहेको छ ।
मंगलबार सप्तकोशी डेभलपमेन्ट बैंकको सर्वाधिक कारोबार भएको छ । बैंकको ३८ करोड २१ लाख ३२ हजार १ सय ८७ रुपैयाँ कारोबार भएको छ । बैंकको सेयर प्रतिकित्ता १ हजार ३ सय ९२ रुपैयाँ ४० पैसा रहेको छ ।
साथै, आज ६ कम्पनीको सेयर मूल्यमा सकारात्मक सर्किट लागेको छ भने दोल्ती पावरको सेयर मूल्य ८.४३ प्रतिशतले घटेको छ ।
प्रतिक्रिया दिनुहोस्