सिंहदरबार संवाददाता
काठमाडौं । सेयर बजारको ओरोला यात्रा बुधबार पनि कायमै छ । साताको पहिलो दिनबाट नेगेटिभ बन्दै आएको नेप्से परिसूचक बुधबार पनि सोही लय समातेको हो ।
साताको चौथो दिन नेप्से परिसूचक १६.९७ अंकले घटेर २८०१.१३ अंकमा आइपुगेको छ । परिसूचक ०.६ प्रतिशतले घटेको दिन १ सय १६ कम्पनीको सेयर मुल्यमा गिरावट आएको छ ।
यसक्रममा बजारमा १ करोड १६ लाख कित्ता सेयर ४ अर्ब ५८ करोड रूपैयाँमा किनबेच भएका छन् ।
कारोबार रकम अघिल्लो दिनभन्दा केही करोड बढी हो ।
बुधबार सबैभन्दा बढी कारोबार छिमेकी लघुवित्तको सेयरको भएको छ । नेप्से घटेको दिन अपर तामाकोशीको मूल्य सबैभन्दा बढी ५.४५ प्रतिशतले घटेको छ ।
हिजो नेप्से परिसूचक ५.२४ अंकले ऋणात्मक बन्दा ४ अर्ब २२ करोडको मात्र सेयर किनबेच भएको थियो ।
प्रतिक्रिया दिनुहोस्