सिंहदरबार संवाददाता
काठमाडौं । नागरिक लगानी कोष (सीआईटी) ले गत आर्थिक वर्ष २०८०/८१ को प्रस्तावित चुक्तापुँजीको कुल १३ प्रतिशत लाभांश प्रस्ताव पारित गर्न साधारण सभा बोलाएको छ ।
कोषको मंसिर ८ गते बसेको सञ्चालक समिति बैठकले पुष २९ गते काठमाडौंको नयाँबानेश्वरस्थित सीआईटी बिल्डिङमा बस्ने गरी वार्षिक साधारणसभा बोलाएको हो । सभाले पारित गर्ने लाभांशमा ७ प्रतिशत बोनस सेयर र ६ प्रतिशत नगद लाभांश (करसहित) रहेका छन् ।
सभाले कम्पनीको वार्षिक प्रतिवेदनका साथै लेखापरीक्षकको आर्थिक प्रतिवेदन पनि स्वीकृत गर्नेछ। सभाको निर्णय पुस्तिकामा हस्ताक्षर गर्न शेयरधनी तथा सञ्चालकका तर्फबाट एक–एकजना प्रतिनिधि नियुक्त गरिनेछ।
लाभांश र वार्षिक साधारणसभा प्रयोजनार्थ कम्पनीले पुष २२ गते एक दिन बुक क्लोज गर्ने निर्णय गरेको छ। पुष २१ गतेसम्म नेप्सेमा कायम सेयरधनीहरुमात्रै सभामा भाग लिन योग्य हुनेछन्।
प्रतिक्रिया दिनुहोस्