सिंहदरबार संवाददाता
काठमाडौं । चालु आर्थिक वर्षको पाँच महिनामा १५ अर्ब रुपैयाँ बढीको विभिन्न ब्राण्डको मोवाइल फोन नेपाल भित्रिएको छ । भन्सार विभागले सार्वजनिक गरेको तथ्यांकअनुसार मंसिर महिनासम्म १५ अर्ब १८ करोड ११ लाख १८ हजार रुपैयाँबराबरको ९ लाख ९० हजार ७ सय ५४ वटा मोवाइल फोन नेपाल भित्रिएको हो ।
यो परिमाणमा मोवाइल फोन भित्रिदा सरकारले २ अर्ब ८३ करोड ९ लाख ४५ हजार रुपैयाँ राजस्व संकलन गरेको छ ।
गत आवको सोही अवधिमा ९ लाख २ हजार ९ सय ८१ वटा मोवाइल फोन नेपाल भित्रिएको थियो । सो मोवाइल फोन आयात मार्फत नेपालले १३ अर्ब ५९ करोड ९५ लाख ६१ हजार रुपैयाँ विभिन्न देशमा खर्च गरेका थिए भने सरकारले २ अर्ब ५३ करोड २० लाख ९८ हजार रुपैयाँ राजस्व संकलन गरेको थियो ।
गत आवको सोही अवधिको तुलनामा चालु आवको सोही अवधिमा ९.७२ प्रतिशतले मोवाइल फोन आयात बढेको हो ।
प्रतिक्रिया दिनुहोस्