काठमाडौं । स्ट्याण्डर्ड चार्टर्ड बैंक लिमिटेडले बुक क्लोजको मिति परिवर्तन गरेको छ। बैंकले मंसिर ४ गते साधारणसभाको सूचना प्रकाशित गर्दै मंसिर ६ गते बुक क्लोज गर्ने बताएको थियो तर पछि बैंकले उक्त मितिलाई परिवर्तन गरेर मंसिर १२ गते बुक क्लोज गर्ने निर्णय गरेको जानकारी दिएको हो ।
यससँगै अब मंसिर ११ गतेसम्म कायम सेयरधनी बैंकको साधारणसभामा भाग लिन र बैंकले वितरण गर्न लागेको लाभांश प्राप्त गर्न सक्ने भएका छन्।
बैंकले हाल कायम चुक्ता पूँजीको ६.५० प्रतिशत अर्थात् प्रति १०० सेयरमा ६.५ सेयरका दरले बोनस सेयर र १९ प्रतिशत अर्थात् प्रति सेयर १९ रुपैयाँ नगद लाभांश (कर सहित) वितरण गर्ने निर्णय गरेको छ।
प्रतिक्रिया दिनुहोस्