सिंहदरबार संवाददाता
काठमाडौं । बैंक तथा बिमा कम्पनीमा कार्यरत कर्मचारीका संगठनहरुले यथास्थितिमा सामाजिक सुरक्षा कोष कार्यान्वयन गर्न खोजे प्रतिकार आन्दोलदनमा उत्रिने चेतावनी दिएका छन् ।
बैंक तथा वित्तिय संस्था र बीमा कम्पनीहरुका क्रियाशिल २९ वटा कर्मचारी संगठनका नेताहरुले संयुक्त विज्ञप्ति जारी गर्दै आफ्ना जायज माग पुरा नगरि सामाजिक सुरक्षा कोषमा जबरजस्ति आवद्ध गराउन खोजेमा प्रतिकार गर्ने चेतावनी दिएका हुन् । उनीहरुले अर्थमन्त्रालय, सामाजिक सुरक्षा मन्त्रालय, राष्ट्र बैंक, बीमा समिति, बैंकर्स संघ लगायतलाई बोदार्थ पठाउँदै आन्दोलनको चेतावनी दिएका हुन् ।
कर्मचारीहरुले बिभिन्न १५ बुँदे मागलाई बटम लाइनका रुपमा अघि सार्दै ति माग पुरा गरेपछि मात्रै कोषमा आवद्ध हुने स्पष्ट पारेका हुन् ।
प्रतिक्रिया दिनुहोस्