सिंहदरबार संवाददाता
काठमाडौं । नेपाल इन्भेष्टमेन्ट मेगा बैंकले नेपालमा पहिलो पटक भिसा वेयरेबल स्टिकर, एनआईएमबी पेवियरको आधिकारिक रूपमा लोकार्पण गरेको छ । बैंकले बिहिबार राजधानीमा आयोजित कार्यक्रममा ग्राहकहरूले कुनै पनि पीओएस टर्मिनलमा वेयरेबल उपकरण ट्याप गरी छिटो र सुरक्षित सम्पर्क रहित कारोबार गर्न सक्ने यो नयाँ प्रविधि सार्वजनिक गरेको हो ।
यस लोकार्पणले नेपालमा डिजिटल भुक्तानीको नयाँ युगको सुरुवात गरेको बैंकले जनाएको छ। बैंकले ‘एनआईएमबी पेवियर’ कसरी दैनिक कारोबारलाई छिटो, सुविधाजनक र सुरक्षित बनाउने उद्देश्यले डिजाइन गरिएको छ भन्ने कुरा प्रस्तुत गरे । यसले ग्राहकहरूलाई भौतिक कार्डहरू वा मोबाइल वालेट बोक्न नपर्ने अर्को विकल्प प्रदान गरेको बैंकले जनाएको छ ।
‘एनआईएमबी पेवियर नेपालका लागि गेम चेन्जर हो’ नेपाल इन्भेष्टमेन्ट मेगा बैंकका वरिष्ठ डेप्युटी सीईओ महेश शर्मा ढकालले भने ‘यो उत्पादनले ग्राहकहरूको भुक्तानी गर्ने तरिकालाई पूर्ण रूपले परिवर्तन गर्नेछ, उनीहरूलाई अतुलनीय सुविधा र गति प्रदान गर्दै उच्चतम सुरक्षा सुनिश्चित गर्नेछ। हामी नेपालमा पहिलो पटक यो प्रविधि प्रस्तुत गर्न पाउँदा उत्साहित छौं, जसले फेरि एकपटक नेपाल इन्भेष्टमेन्ट मेगा बैंकलाई डिजिटल नवप्रवर्तनमा अग्रणीको रूपमा स्थापित गर्नेछ ।’
नवीनतम भुक्तानी समाधान र थप सुरक्षा
एनआईएमबी पेवियरले ग्राहकहरूलाई आफ्नो घडी, की-चेन, फोन केसजस्ता कुनै पनि व्यक्तिगत वस्तुमा वेयरेबल स्टिकर टाँस्न अनुमति दिन्छ, जसले यसलाई धेरै बहुउपयोगी र सुविधाजनक बनाउँछ । बैंकका अनुसार ग्राहकहरूले कुनै पनि सम्पर्करहित पीओएस टर्मिनलमा उपकरण ट्याप गरेर छिटो र सुरक्षित दैनिक कारोबार गर्न सक्छन् ।
नेपाल राष्ट्र बैंकका नियमहरूको पालना गर्दै, ५ हजार रुपैयाँभन्दा माथिका सम्पर्करहित भुक्तानीमा अतिरिक्त सुरक्षा उपायको रूपमा पिनको आवश्यकता पर्छ।
प्रारम्भिक ग्राहकहरूका लागि विशेष प्रचार प्रस्ताव
लोकार्पणको उत्सव मनाउन नेपाल इन्भेष्टमेन्ट मेगा बैंकले एक विशेष प्रचार प्रस्ताव घोषणा गरेको छ । तीन महिनाभित्र एनआईएमबी पेवियर स्टिकरको लागि आवेदन दिने र यसलाई सक्रिय गर्ने ग्राहकहरूले सो अवधिमा १२ वटा पीओएस कारोबार पूरा गरेपछि, आफ्नो वेयरेबल शुल्क (एनपीआर १,०००) फिर्ता पाउने बैंकले जनाएको छ ।
बैंकका अनुसार यो सीमित समयको प्रस्तावले ग्राहकहरूलाई यो नयाँ भुक्तानी विधिको अनुभव गर्न प्रेरित गर्दछ, साथसाथै शुल्क फिर्तीको अतिरिक्त लाभ पनि प्राप्त गर्छन् ।
नेपाल इन्भेष्टमेण्ट मेगा बैंकलाई बजारको अग्रणी स्थानमा पुर्याउने रणनीति
एनआईएमबी पेवियरको परिचयले बैंकलाई प्रविधि प्रेमी ग्राहकहरूलाई आकर्षित गर्न र आफ्नो उत्पादन श्रृंखला विस्तार गर्न रणनीतिक कदम प्रस्तुत गर्दछ । यो आधुनिक भुक्तानी समाधानलाई अपनाएर, नेपाल इन्भेष्टमेण्ट मेगा बैंकले आफूलाई प्रतिस्पधीहरूभन्दा फरक बनाउन र नेपालको बैंकिङ क्षेत्रमा उद्योगको अग्रणीको रूपमा आफ्नो स्थिति सुदृढ गर्ने लक्ष्य राखेको छ।
नेपालको बैंकिङ क्षेत्रको अग्रणी इतिहास
नेपाल इन्भेष्टमेण्ट मेगा बैंक लामो समयदेखि नेपालका बैंकिङ उद्योगमा नवप्रवर्तनको अगुवाइ गर्दै आएको छ। सन् २००३ मा, बैंकले नेपालमा पहिलो पटक भिसा इलेक्ट्रोन डेबिट कार्ड जारी गरेको थियो, र भिसा कन्सोर्टियम र राष्ट्रिय भुक्तानी नेटवर्क (एनपीएन) मार्फत कार्ड सेवाहरूलाई प्रवर्द्धन गर्दै आएको बैंकले उल्लेख गरेको छ।
हाल, नेपाल इन्भेष्टमेन्ट मेगा बैंकले नेपालभर ९ वटा भिसा एसोसिएट सदस्यहरू, १६ लाख कार्डहरू (जसमध्ये ६.५ लाख नेपाल इन्भेष्टमेण्ट मेगा बैंकका विशेष कार्डहरू हुन्) सहितको विस्तृत नेटवर्क सञ्चालन गर्दै आएको छ । बैंकले २७५ शाखा, २६५ एटीएम, र ४,००० भन्दा वढी पीओएस टर्मिनलहरू सञ्चालन गरिरहेको छ ।
साथै, नेपाल इन्भेष्टमेण्ट मेगा बैंकले ६५ वटा विस्तार।राजस्व संकलन काउन्टरहरू र ७७ शाखाविहीन बैंकिङ आउटलेटहरू मार्फत सेवाहरू प्रदान गर्दै आएको छ, जसले ग्राहकहरूको पहुँचलाई देशभर फैलाएको छ। भिसा वेयरेबल स्टिकरको परिचयले बैंकिङ क्षेत्रमा नवीनतम प्रविधि ल्याउने नेपाल इन्भेष्टमेण्ट मेगा बैंकको परम्परालाई निरन्तरता दिँदै, ग्राहकलाई अझ उत्कृष्ट बनाउँने बैंकको विश्वास जनाएको छ ।
प्रतिक्रिया दिनुहोस्