धितोपत्र बोर्डको सूची प्रभावः १३३ कम्पनीका सेयर मुल्य घटे, नेप्सेमा ५२ अंकको गिरावट

काठमाडौं । नेपाल धितोपत्र बोर्डले चलखेल गरी मूल्य बढाइएको भन्दै ५१ कम्पनीको सूची निकालेको भोलिपल्टै सेयर बजारमा १ सय ३३ कम्पनीका सेयर मुल्य घटेको छ । बोर्डले ती कम्पनीको प्रतिसेयर आम्दानी पीई रेसियो तथा नेटवर्थका आधारमा विश्लषण गरी जोखिम रहेको भन्दै थप अध्ययन गरिने बताएको थियो ।

बोर्डको सो विज्ञप्तिपछि लगानीकर्ताको कन्फिडेन्स घटेपछि बुधबार सेयर बजारमा पहिरो गएको हो ।

बजारमा उल्लेखित ५१ सँगै अरू कम्पनीको सेयरमा आपूर्ति ह्वात्तै बढेको थियो । लगानीकर्ता सस्तोमा सेयर बेच्न तम्सिएका थिए । केही लगानीकर्ता भने सस्तोमा सेयर पाउन थालेपछि किनिरहेका थिए ।

देशभर जारी निषेधाज्ञाका माझ लगानीको अन्य क्षेत्र खुला नहुँदा आम सर्वसाधारका लागि सेयर बजार गतिलो लगानीको गन्तव्य बन्दै आएको थियो । जसका कारण दैनिक कारोबार रकम २० अर्ब रूपैयाँसम्म पुगेको थियो ।

धितोपत्र बोर्डको विज्ञप्तिका बाबजुद लगानीकर्ता सेयर किन्न रोकिएका छैनन् । बजारमा साढे १५ अर्बको सेयर किनबेच भएको छ ।

१ सय ३३ कम्पनीको सेयर मूल्य घट्दा नेप्से परिसूचक ५२.३९ अंकले घटेर २९६९.७२ अंकमा ओर्लिएको छ । परिसूचक १.७३ प्रतिशतले ओरालो लाग्दा ४९ कम्पनीको सेयर मूल्य बढेको छ भने २ करोड ८२ लाख कित्ता सेयर किनबेच भए ।

बजारमा १७ कम्पनीको सेयर मुल्य ९ प्रतिशतभन्दा बढीले घटे । यद्यपी सीईडीबी हाइड्रोको सेयर मस्ल्य १० प्रतिशतले बढेको छ ।

यस्तो देखियो बजारः