सिंहदरबार संवाददाता
काठमाडौं । नेपाल राष्ट्र बैंकले विभिन्न पदमा करारमार्फत् पूर्ति गर्नुपर्ने भएकोले अलाइन दरखास्त गर्न योग्य नेपाली नागरिकहरुलाईन आह्वान गरेको छ । बैंकले रक्षक, सिपाही, सिपाही (महिला), पिपा, सवारी चालक र खरिद अधिकृत पदका लागि दरखास्त गर्न आह्वान गरेको हो ।
उक्त पदका लागि एसईईदेखि मास्टर डिग्री उत्तीर्णलाई मान्यता दिने बैंकले सूचनामार्फत जानकारी दिएको छ । सबै पदको परीक्षा कार्यक्रम (लिखित, प्रयोगात्मक र अन्तर्वार्ता) काठमाडौंमा सञ्चालन हुनेछ ।
योग्यता पुगेका इच्छुकहरुले असोज १८ गतेदेखि कात्तिक २ गतेसम्म आफूले प्राप्त गरेको शैक्षिक योग्यता, नागरिकताको प्रमाणपत्र, तोकिएको अनुभव खुल्ने प्रमाणपत्र तथा अन्य सम्पूर्ण प्रमाणपत्र स्क्यान गरी संलग्न गर्नुपर्ने बैंकले जनाएको छ ।
राष्ट्र बैंकका अनुसार दरखास्त दस्तुर भुक्तानी नभएका, म्याद नाघी प्राप्त हुन आएका वा रीत नपुगी पेश हुन आएका दरखास्त उपर कुनै किसिमको कारवाही हुने छैन । झुट्टा विवरण पेश गरी दरखास्त फाराम भरेमा सोको उम्मेदवार स्वयं जवाफदेही हुनुपर्ने र शर्त राखी कुनै पनि दरखास्त स्वीकृत नहुने बैंकले जनाएको छ ।
प्रतिक्रिया दिनुहोस्