सिंहदरबार संवाददाता
काठमाडौं । महालक्ष्मी विकास बैंकले बाढीले बगाएका २ व्यक्तिहरुको उद्धार गर्न सफल चणिकलाल तामाङलाइ सम्मान गरको छ ।
बैंकले ललितपुर महानगरपालिका वडा नं. १३, नख्खुखोलामा असोज १२ गते आएको बाढीले बगाएका व्यक्तिहरुको सकुशल उद्धार गरेका काभ्रे तामाङलाई १ लाख नगद सहित सम्मान गरेकोे हो ।
यस्ता कार्यले विपतको समयमा नागरिक स्तरबाट सुरक्षित रुपमा उद्घार कार्यमा सहभागिता जनाउन समेत हौसला मिल्ने विश्वास बैंकले लिएको छ ।
साथै बैंकले देशै भरि आएको बाढीपहिरोको कारण ज्यान गुमाएका व्यक्तिहरु प्रति हार्दिक समवेदना व्यक्त गर्दै घाइतेहरुको शिघ्र स्वास्थ्य लाभको कामना समेत गरेको छ ।
प्रतिक्रिया दिनुहोस्