सिंहदरबार संवाददाता
काठमाडौं । नेपालको लागि केई अटोमोबाइल्सको आधिकारिक विक्रेता लक्ष्मी ई मोबिलिटीले टेष्ट ड्राइभ कार्यक्रम आयोजना गर्ने भएको छ । कम्पनीले भदौ २९ गतेदेखि र ३० गतेसम्म सञ्चालन हुने गरी सो कार्यक्रम आयोजना गरेको हो ।
भदौ २९ गते केई शोरुम थापाथली र ३० गते केई शोरुम भाट-भटेनी नक्शालमा गई केईको इलेक्ट्रीक एसयूभ एक्स ३ प्रो ईभी, इलेक्ट्रीक ह्याचब्याक ई क्वीट ०४ र ई क्वीट ०२ टेष्ट ड्राइभ गर्न सक्ने कम्पनीले जनाएको छ ।
कम्पनीका अनुसार प्रत्येक टेस्ट ड्राइभमा सहभागीहरूलाई हात खाली नहुने गरी आकर्षक उपहारहरु राखिएको छ र सहभागीहरु मध्य एक जना भाग्यशाली सहभागीले जर्मन अन्तर्राष्ट्रिय ब्रान्ड Bosch को mixer grinder प्राप्त गर्नेछन्।
इच्छुकहरुले केईको शोरुम गई यस योजनामा सहभागी भइ टेस्ट-ड्राइभ गर्न सक्ने कम्पनीले जानकारी दिएको छ । लक्ष्मी ग्रुप अटोमोटिभ डिभिजन अन्तर्गत बिक्री वितरण गरिएको केई चाइनिज ब्रान्ड हो जुन नाडा अटो शो मा पहिलोपटक सार्वजनिक गरिएको थियो ।
तत्पश्चात कम्पनीले गाडीको ड्राइभिङ अनुभव प्रदान गर्न यो कार्यक्रम आयोजना गरेको जनाएको छ । हालै मात्र कम्पनीले केई ब्रान्डको सर्भिसको लागि लक्ष्मी न्यू इनर्जी सर्भिस, काठमाडौं स्थित तीनकुने मा सञ्चालनमा ल्याएको छ ।
प्रतिक्रिया दिनुहोस्