सिंहदरबार संवाददाता
काठमाडौं । बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक, २०७९ माथि विचार गरियोस् भन्ने प्रश्ताव राष्ट्रिय सभाबाट सर्वसम्मत स्वीकृत भएको छ ।
आइतबार बसेको सभाको बैठकले ‘प्रतिनिधि सभाबाट सन्देशसहित प्राप्त बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक, २०७९ माथि विचार गरियोस्’ भन्ने प्रश्तावलाई सर्वसम्मत स्वीकृत गरेको हो ।
सरकारको तर्फबाट कानून, न्याय तथा संसदीय मामिलामन्त्री अजयकुमार चौरसियाले प्रश्तुत गरेका विधेयकमाथि राष्ट्रिय सभा सदस्यहरुले छलफल गरेका थिए ।
छलफलसँगै कानूनमन्त्री चौरसियाले सांसदहरुले उठाएका प्रश्नको जवाफ दिनुभयो । लगत्तै सभामा राष्ट्रिय सभा अध्यक्ष नारायणप्रसाद दाहालले सर्वसम्मतिले स्वीकृत भएको घोषणा गरे । प्रतिनिधि सभाबाट सन्देशसहित प्राप्त बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक, २०७९ माथि संशोधन प्रश्ताव राख्न चाहने सदस्यहरुले राष्ट्रिय सभा अन्तर्गतको विधेयक शाखामा संशोधन प्रश्ताव दर्ता गर्न आग्रह गरे ।
राष्ट्रिय सभाको अर्को बैठक भदौ ६ गते बिहीवार सवा १ बजे बस्नेगरी स्थगित भएको छ ।
प्रतिक्रिया दिनुहोस्