सुनको मूल्यमा नयाँ ऐतिहासिक रेकर्ड, एक तोला किन्न डेढ लाख चाहिने

साताको दोस्रो कारोबार दिन सुनको मूल्यले ऐतिहासिक रेकर्ड कायम राखेको छ । अघिल्लो दिन २ सय रुपैयाँले घटेको सुनको भाउले सोमबार नयाँ रेकर्ड कायम राखेको हो । यो मूल्य हालसम्म कै उच्च हो ।

सोमबार छापावाला सुनको भाउ प्रतितोला ३०० रुपैयाँले बढेर १ लाख ५० हजार रुपैयाँमा कारोबार भएरहेको छ । सुन अघिल्लो दिन सुन १ लाख ४९ हजार ७०० रुपैयाँमा कारोबार भएको थियो ।

नेपाल सुन चाँदी व्यवसायी महासंघका अनुसार सोमबार २२ क्यारेटको सुनको मूल्य प्रतितोला १ लाख ३८ हजार २५ रुपैयाँमा कारोबार भइरहेको छ ।

यस्तै, सोमबार चाँदी १ हजार ७ सय ८५ रुपैयाँमा कारोबार भइरहेको छ । चाँदीको मूल्य आइतबार पनि सोही मूल्यमा कारोबार भएको थियो ।