सिंहदरबार संवाददाता
काठमाडौं । नेपाली काँग्रेसका राष्ट्रिय सभा सदस्य आनन्दप्रसाद ढुंगानाले संघीयता र लोकतन्त्रलाई बलियो बनाउने काममा सरकार लाग्नुपर्ने बताएका छन् । मंगलबारको राष्ट्रिय सभा बैठकमा बोल्दै उनले यस्तो आग्रह गरेका हुन् ।
उनले अहिले नेपाली काँग्रेस र नेकपा एमालेको सरकार बनेको उल्लेख गर्दै इतिहासमा पनि परिवर्तनको अग्रणी भुमिकामा काँग्रेस र एमाले नै रहेको बताए । उनले देशमा नेपाली जनताको हित र हकका लागि काम गर्न नसके र वर्तमान सरकार पनि असफल भए दु:खद् परिस्थिति आउने जानकारी गरे ।
उनले संघीयतालाई स्वीकार गरेको र सात प्रदेश बनेको भएपनि पछिल्लो समय सुदूरपश्चिमका मुख्यमन्त्री दीर्घबहादुर सोडारीले प्रदेशको महत्त्वलाई शुन्यमा झारेको आरोप लगाए । उनले मुख्यमन्त्री सोडारीले राजीनामा नदिएर प्रदेशलाई विभिन्न किसिमले घाटा पुर्याइरहेको जानकारी गरे । सांसद ढुंगानाले संविधानलाई अग्रगामी दिशा दिन संशोधन गर्न लागेको बताए ।
प्रतिक्रिया दिनुहोस्