सिंहदरबार संवाददाता
काठमाडौं । नेकपा(एकिकृत)ले केहि दिनभित्रै दल दर्ताको प्रमाणपत्र पाउने भएको छ । निर्वाचन आयोगले दर्ताका लागि पेश गरिएको निवेदन र आवश्यक कागजात अध्ययन गरिसकेको र केहि दिनभित्रै दलको प्रमाणपत्र दिन लागेको हो ।
नेकपा(एमाले)का युवा नेता जीवन राई र बिनोद खुलाल अध्यक्ष र महासचिव रहेर दल दर्ताका लागि बैशाख ७ गते निर्वाचन आयोगमा निवेदन दिएका थिए ।
उनीहरुले कलमलाई चुनाव चिह्नका रुपमा प्रस्ताव गरेका छन् ।
सोही चुनाव चिह्न मागेर बागमति प्रदेशको राष्ट्रिय सभा निर्वाचनमा डा. खिमलाल देवकोटाले विजय प्राप्त गरेका थिए । डा. देवकोटालाई एमाले बरिष्ठ नेता माधव कुमार नेपालको प्रस्तावमा विपक्षी गठबन्धनका तर्फबाट काँग्रेस, माओवादी, जनता समाववादी पार्टी(उपेन्द्र–बाबुराम) समुहले सहयोग गरेको थियो ।
कलम चिह्नधारी यहि पार्टीलाई एमाले विभाजन भएको अवस्थामा माधव नेपालहरुको पार्टीका रुपमा हेरिएको छ । अध्यक्ष राई र महासचिव खुलाल दुबै माधव नेपाल निकट युवा नेताहरु हुन् ।
प्रतिक्रिया दिनुहोस्