साउनको पहिलो दिन नै सुनको भाउमा नयाँ रेकर्ड कायम, प्रतितोला कति ?

काठमाडौं । साउनको पहिलो कारोबार दिन नै सुनको मूल्यले नयाँ रेकर्ड कायम राखेको छ । सुनको मूल्य प्रतितोला ९०० रुपैयाँले बढेर रेकर्ड कायम राखेको हो ।

मंगलबार छापावाला सुनको मूल्य प्रतितोला १ लाख ४७ हजार ८०० रुपैयाँ रहेको छ । अघिल्लो दिन सुन १ लाख ४६ हजार ९०० रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार तेजावी सुनको मूल्य प्रतितोला १ लाख ४७ हजार १०० रुपैयाँमा किनबेच भइरहेको छ । अघिल्लो दिन सुन १ लाख ४६ हजार २ सय रुपैयाँमा किनबेच भएको थियो ।

त्यस्तै, आज चाँदी प्रतितोला १ हजार ८ सय ७५ रुपैयाँ रहेको छ । चाँदी अघिल्लो दिन १ हजार ८ सय ८५ रुपैयाँमा खरिदबिक्री भएको थियो । आज चाँदी १० रुपैयाँले घटेको हो ।