सुनको मूल्यले बनायो फेरि नयाँ ऐतिहासिक रेकर्ड, कति पुग्यो तोलाको ?

काठमाडौं । साताको अन्तिम कारोबार दिन सुनको मूल्यले फेरि नयाँ ऐतिहासिक रेकर्ड कायम राखेको छ । आज सुनको मूल्य १८ सय रुपैयाँले बढेर नयाँ रेकर्ड कायम राखेको हो ।

आज छापावाला सुन प्रतितोला १ लाख ४६ हजार ७०० रुपैयाँमा कारोबार भइरहेको छ । अघिल्लो दिन सुन १ लाख ४४ हजार ९०० रुपैयाँमा किनबेच भएको थियो ।

नेपाल सुनचाँदी व्यवसायी महासंघका अनुसार तेजावी सुनको मूल्य १ लाख ४६ हजार रुपैयाँ रहेको छ । अघिल्लो दिन सुन १ लाख ४४ हजार २०० रुपैयाँमा खरिदबिक्री भएको थियो ।

त्यस्तै, आज चाँदी प्रतितोला १ हजार ९०० रुपैयाँमा कारोबार भइरहेको छ । अघिल्लो दिन चाँदी १ हजार ८ सय ८५ रुपैयाँमा कारोबार भएको थियो ।