सिंहदरबार संवाददाता
काठमाडौं । साताको तेस्रो कारोबार दिन सेयर बजारमा उत्साहजनक वृद्धि भएको छ । मंगलबार सरकार परिवर्तन हुने कुरा आएपछि सेयर बजारमा उत्साहजनक वृद्धि देखिएको हो ।
मंगलबार नेपाल स्टक एक्सचेन्ज(नेप्से) परिसूचक ४७.०४ अंकले बढेर २१००.४३ मा पुगेको हो । मंगलबार ३१५ कम्पनीको १ करोड १६ लाख ४५ हजार ९०५ कित्ता सेयर किनबेच हुँदा ४ अर्ब ५७ करोड ६८ लाख ३१ हजार ७२० रुपैयाँ कारोबार भएको छ ।
त्यस्तै, आज हिमालयन डिस्टिलरीको ८.५४ प्रतिशत, समाज लघुवित्तको ६.९६ प्रतिशत, गुडवील फाइनान्सको ५.७४ प्रतिशत, नेशनल हाइड्रोपावरको ५.५१ प्रतिशत, सन्राइस ब्लुचिप फण्डको ५.३६ प्रतिशत सहित २४८ कम्पनीको सेयर मूल्यमा उकालो लागेको छ ।
साथै, उपर लघुवित्तको ६.४६ प्रतिशत, हिमालयन ऊर्जा विकासको ६.२१ प्रतिशत, १०.५ प्रतिशत नेपाल इन्भेष्टमेन्ट डिभेन्चर-२०८२ को ३.५१ प्रतिशत सहित ५३ कम्पनीको सेयर मूल्य घटेको छ ।
प्रतिक्रिया दिनुहोस्