बढ्यो सुनचाँदीको मूल्य, कतिमा हुदैँछ कारोबार ?

काठमाडौं । साताको तेस्रो कारोबार दिन सुनको मूल्य बढेको छ । अघिल्लो दिन २०० रुपैयाँले बढेको सुनको मूल्य मंगलबार १ सय रुपैयाँले बढेको हो ।

मंगलबार छापावाला सुनको मूल्य प्रतितोला १ लाख ४२ हजार ३०० रुपैयाँमा कारोबार भइरहेको छ । सुन अघिल्लो दिन १ लाख ४२ हजार २०० रुपैयाँमा खरिदबिक्री भएको थियो ।

नेपाल सुनचाँदी व्यवसाय महासंघका अनुसार आज तेजावी सुनको मूल्य प्रतितोला १ लाख ४१ हजार ६०० रुपैयाँ रहेको छ । अघिल्लो दिन सुन १ लाख ४१ हजार ५०० रुपैयाँमा किनबेच भएको थियो ।

त्यस्तै, आज चाँदी प्रतितोला १५ रुपैयाँले बढेर १ हजार ८०५ रुपैयाँ तोला पुगेको छ । चाँदी अघिल्लो दिन १ हजार ७ सय ९० रुपैयाँमा कारोबार भएको थियो ।