सिंहदरबार संवाददाता
काठमाडौं । हिमालयन क्यापिटल लिमिटेडले डिम्याट खाता नवीकरण गर्न सेयरधनीहरुलाई आग्रह गरेको छ ।
कम्पनीले हिमालयन बैंक, साविक सिभिल बैंक, हिमालयन क्यापिटल तथा साविक सिभिल क्यापिटल मार्केटमा डिम्याट खाता खोली धितोपत्र कारोबार गर्दै आएका सेयरधनीलाई वार्षिक नवीकरण शुल्क बुझाउन आग्रह गरेको हो ।
डिम्याट खातावालाहरूले प्रत्येक आवमा १०० रुपैयाँका दरले वार्षिक नवीकरण शुल्क तिर्नुपर्ने कम्पनीले जनाएको छ । सोहि रकम असार मसान्तभित्र हिमालयन क्यापिटल वा हिमालयन बैंकको नजिकको शाखा कार्यालयमा गई वा अन्य डिजिटल माध्यमबाट तिर्न सकिनेछ ।
तोकिएको समयभित्र नवीकरण नगरेमा डिम्याट खाता रोक्का गरिने कम्पनीले एक सूचनामार्फत जानकारी दिएको छ ।
प्रतिक्रिया दिनुहोस्