सुनको मूल्य घट्दा बढ्यो चाँदी, कतिमा हुँदैछ आज कारोबार ?

काठमाडौं । साताको तेस्रो कारोबार दिन सुनको मूल्य घटेको छ । आज छापावाला सुनको मूल्य प्रतितोला ७ सय रुपैयाँले घटेर १ लाख ३७ हजार ४ सय रुपैयाँमा खरिद बिक्री भएकाे छ । सोमबार सुनको मूल्य प्रतितोला १ लाख ३८ हजार १ सय रुपैयाँमा खरिद बिक्री भएको थियो ।

नेपाल सुनचाँदी व्यवसाय महासंघका अनुसार तेजावी सुनको मूल्य प्रतितोला १ लाख ३६ हजार ७ सय ५० रुपैयाँमा कारोबार भएको छ । सोमबार तेजावी सुनको मूल्य प्रतितोला १ लाख ३७ हजार ४ सय ५० रुपैयाँमा कारोबार भएको थियो ।

साथै, आज चाँदी प्रतितोला २५ रुपैयाँले बढेके छ । मंगलबार चाँदीको मूल्य प्रतितोला १ हजार ७ सय ४० रुपैयाँमा कारोबार कारोबार भएको छ । अघिल्लो दिन चाँदी १ हजार ७ सय १५ रुपैयाँमा कारोबार भएको थियो ।