काठमाडौं । डेभलपमेण्ट बैंकर्स एशोसिएसन नेपालले सिईओ नियुक्त गरेको छ । बैंकर्स एशोसिएसनले प्रमुख कार्यकारी अधिकृत(सिईओ) पदमा मन्जिला डंगोललाई नियुक्त गरेको हो ।
व्यवस्थापनमा स्नातकोत्तर डंगोलले तत्कालिन सनराईज बैंक, तत्कालिन मेगा बैंक तथा नेपाल इन्भेष्टमेन्ट मेगा बैंकको व्यवस्थापकीय तहमा रहेर करिव १५ वर्ष कार्य गरेको अनुभव रहेको बैंकर्स एशोसिएसनदले जनाएको छ ।
अनुसंधान तथा विकास, जोखिम व्यवस्थापन, कर्जा जोखिम विश्लेषण, तथ्यांक विश्लेषण, साना तथा मझौंला कर्जा व्यवस्थापन, कृषि कर्जा व्यवस्थापन आदिमा विशेष दख्खल राख्ने डंगोलले डेभलपमेण्ट बैंकर्स एशोसिएसन नेपालको उद्देश्य हासिल गर्नका लागि प्रमुख भूमिका खेल्ने विश्वास एशोसिएसनले लिएको छ ।
आफ्नो सचिवालयलाई थप स्रोतमूलक बनाउने क्रममा प्रमुख कार्यकारी अधिकृत पदको दरवन्दी सिर्जना गरेको र अन्य आवश्यक कर्मचारी पनि भर्ना गर्दै जाने लक्ष्य लिएको एशोसिएसनले जानकारी दिएको छ ।
प्रतिक्रिया दिनुहोस्