सिंहदरबार संवाददाता
काठमाडौं । आइतबार दोहारो अंकले बढेको सेयर बजार आज (सोमबार) दोहोरो अंकले घटेको छ । साताको दोस्रो कारोबार दिन नेपाल स्टक एक्सचेञ्ज (नेप्से) परिसूचक १५.४१ अंकले घटेर १९६९.०२ मा पुगेको हो ।
सोमबार ३२० कम्पनीको ५६ लाख ५६ हजार २ सय ८२ कित्ता सेयर किनबेच हुँदा २ अर्ब ५ करोड ८३ लाख ५ हजार १ सय ८५ रुपैयाँ कारोबार भएको छ ।
सोमबार सबैभन्दा धेरै गोर्खज फाइनान्सको कारोबार भएको छ । कम्पनीको ११ करोड करोड ५४ लाख ७९ हजार ३ सय ४७ रुपैयाँको कारोबार भएको छ । कम्पनीको सेयर प्रतिकित्ता ७ सय ५४ रुपैयाँ पुगेको छ ।
सोमबार १८६ कम्पनीको सेयर मूल्य घट्दा ४९ कम्पनीको बढेको छ भने १० कम्पनीको सेयर मूल्य स्थिर रहेको छ ।
साथै, आज पिपुल्स पावर कम्पनीको सेयर मूल्य बढेको छ भने दाल्ती पावर कम्पनीको सेयर मूल्य सबैभन्दा धेरै घटेको छ ।
प्रतिक्रिया दिनुहोस्