सिंहदरबार संवाददाता
काठमाडौं । माछापुच्छ्रे बैंकले नयाँ ब्याजदर सार्वजनिक गरेको छ । बैंकले जेठ १ गतेदेखि लागु हुनेगरी कर्जा तथा निक्षेपका लागि नयाँ ब्याजदर सार्वजनिक गरेको हो ।
बैंकले सार्वजनिक गरेको नयाँ ब्याजदर अनुसार मुद्दती निक्षेपमा ७ प्रतिशत ब्याज दिने बैंकको घोषणा छ । संस्थागततर्फको दर पनि ७ प्रतिशत नै छ ।
बचततर्फ बैंकले माछापुच्छ्रे बचत खातामा ४ प्रतिशत र अरू खातामा २ प्रतिशत ब्याज दिनेछ । तलब खातामा बैंकले ४ प्रतिशत ब्याज दिने बताएको छ ।
कर्जातर्फ बैंकले आधार दरमा अधिकतम ७ प्रतिशतसम्म थपेर ब्याज लिनेछ । व्यक्तिगत कर्जातर्फ ५ वर्षसम्मको होमलोनमा बैंकले ९.८९ प्रतिशत ब्याज लिनेछ । त्योभन्दा बढी अवधिको कर्जामा बैंकले ११.८९ प्रतिशत ब्याजदर तोकेको छ ।
चैत मसान्तसम्म बैंकको आधार दर ७.०९ प्रतिशत र स्प्रेड दर ४.०४ प्रतिशत थियो ।
प्रतिक्रिया दिनुहोस्