काठमाडौं । युनाईटेड अजोड इन्स्योरेन्सले संस्थापक सेयर बिक्रीमा ल्याएको छ । संस्थाले सेयरधनीको नाममा रहेको १६ हजार ५ सय ९३ कित्ता सेयर बिक्रीमा ल्याएको हो ।
सेयरको प्रतिकित्ता मूल्य २ सय ५ रुपैयाँ रहेको छ । संस्थाले सेयरधनी निरज श्रेष्ठको नाममा रहेको १३ हजार २ सय ८० र सुवास न्यौपानेको नाममा रहेको ३ हजार ३ सय १३ गरी जम्मा १६ हजार ५ सय ९३ कित्ता सेयर बिक्रीमा ल्याएको हो । सेयर खरिदको पहिलो हकदार विद्यमान संस्थापक सेयरधनीहरु रहेका छन् ।
सेयर खरिद गर्न इच्छुक सेयरधनीहरुले सूचना प्रकाशन भएको ३५ दिन भित्रमा आवश्यक कागजात सहित इन्स्योरेन्सको प्रधान कार्यलय सिटिसि मल सुन्धारामा आवेदन पेश गर्नुपर्ने संस्थाले जनाएको छ ।
सेयरधनीहरुबाट सेयर खरिदको कुनै पनि आवेदन नपरेमा प्रचलित कानुन बमोजिम अन्य व्यक्ति तथा संस्थामा सेयर बिक्रीको प्रक्रिया अगाडि बढाउने संस्थाले सूचना मार्फत जानकारी दिएको छ ।
प्रतिक्रिया दिनुहोस्