सिंहदरबार संवाददाता
काठमाडौं । सीईडीबी हाइड्रोपावर डेभलपमेन्ट कम्पनीको आईपीओमा २ अर्ब ६३ करोड ४५ लाख ५२ हजार ६ सय रुपैयाँ बराबरको आवेदन परेको छ । आवेदन दिने अन्तिम दिन मंगलबार साँझ ५ बजेसम्ममा १७ लाख ३६ हजार ७ सय १ जनाले आवेदन दिएका छन् । सो मात्राका आवेदकले २ करोड ६३ लाख ४५ हजार ५ सय २६ कित्ता सेयरका लागि आवेदन दिएका हुन् ।
सीईडीबीको २५ करोड १८ लाख २३ हजार रुपैयाँ बराबरको आईपीओ शुक्रबारबाट खुलेको थियो ।
कुल निष्काशनमध्ये १ लाख २५ हजार ९ सय ११ कित्ता सेयर सामूहिक लगानी कोषलाई र ५० हजार ३६५ कित्ता सेयर कर्मचारीहरुका लागि सुरक्षित गरिएको थियो । बाँकी २३ लाख ४१ हजार ९ सय ५४ कित्ता सेयरमा भने सर्वसाधारणले आवेदन दिन सक्ने व्यवस्था थियो ।
आईपीओमा न्यूनतम १० कित्तादेखि अधिकतम २५ लाख १८ हजार २ सय ३० कित्तासम्म आवेदन दिन सकिने व्यवस्था थियो ।
आइपीओ जारीपछि कम्पनीको चुक्ता पुँजी ८३ करोड ९४ लाख १० हजार रुपैयाँ पुग्नेछ । आवेदन गर्नेमध्ये २ लाख ३४ हजारलाई १०–१० कित्ता आइपीओ पर्नेछ ।
प्रतिक्रिया दिनुहोस्